साफ यु-२० महिला च्याम्पियनसीप: पहिलो खेलमा नेपाल पराजित

साफ यु–२० महिला च्याम्पियनसीप फुटबलअन्तर्गतको आफ्नो उद्घाटन खेलमा नेपाल आयोजक बङ्गलादेशसँग पराजित भएको छ।

बङ्गलादेशको ढाकास्थित वीर श्रेष्ठ सहिद सिपाही मुस्तोफा कमल स्टेडियममा भएको खेलमा नेपाल बङ्गलादेशसँग ३–१ गोल अन्तरले पराजित भएको हो। बङ्गलादेशको जितमा मस्ट अक्लिमा खातुन, शम्सुनाहर र शाहिदा अक्तर रिपाले समान एक एक गोल गरिन्।

यता नेपालका लागि भने मनमाया दमाईले एक गोल फर्काइन्। प्रतियोगितामा नेपालसहित आयोजक बङ्गलादेश, भारत र भूटानको सहभागिता रहेको छ।

अब नेपालले आफ्नो दोस्रो खेल आइतबार भूटानसँग खेल्नेछ।