संक्रमितको संख्या बढ्यो, एकै दिन चार हजार ९०४ जना थपिए, ३५ को मृत्यु

नेपालमा पछिल्लो २४ घण्टामा ४ हजार ९०४ जनामा कोरोना भाइरसको संक्रमण पुष्टि भएको छ। यो अघिल्लो दिनको तुलनामा १२५३ जना बढी हो।

नेपाल समय | मंगलबार, साउन २६, २०७८

नेपाल समय

मंगलबार, साउन २६, २०७८

काठमाडौं– नेपालमा पछिल्लो २४ घण्टामा ४ हजार ९०४ जनामा कोरोना भाइरसको संक्रमण पुष्टि भएको छ। यो अघिल्लो दिनको तुलनामा १२५३ जना बढी हो। स्वास्थ्य तथा जनसंख्या मन्त्रालयका अनुसार देशभरका विभिन्‍न प्रयोगशालामा गरिएको १३ हजार २१७ जनाको पीसीआर परीक्षणमा ३ हजार १९४ र ५ हजार ९०६ जनाको एन्टिजेन विधिबाट गरिएको परीक्षणमा १ हजार ७१० जनामा कोरोना पुष्टि भएको हो।

यस्तै स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप ३५ जना कोरोना संक्रमितको मृत्यु भएको छ। सोही अवधिमा मुलुकका विभिन्न अस्पतालबाट २ हजार ११५ जना कोरोना संक्रमणमुक्त भएको मन्त्रालयले जानकारी दिएको छ। सोमबार तीन हजार ६५१ जनामा संक्रमण भएको थियो।

मंगलबार थपिएका संक्रमितको संख्या जेठ २१ यताकै सबैभन्दा बढी हो । जेठ २० गते नेपालमा ५ हजार ८ सय २५ जनामा संक्रमण पुष्टि भएको थियो भने जेठ २१ गते ४ हजार ६ सय २४ जना संक्रमित थपिएका थिए त्यसयता ओरालो लागेको संक्रमणदर फेरि ह्वात्तै बढेको हो।

प्रकाशित: Aug 10, 2021| 17:21 मंगलबार, साउन २६, २०७८