प्रदेश ३ मा चार विधेयक प्रमाणीकरण

हेटौँडा- प्रदेश नं ३ का प्रदेश प्रमुख अनुराधा कोइरालाले प्रदेशसभाको बैठकले पारित गरी पठाएको चार विधेयक आज प्रमाणीकरण गरेकी छन्। 

प्रमाणीकरण गरेका चार विधेयकहरु:

• प्रदेशसभाका पदाधिकारी तथा सदस्यको पारिश्रमिक र सुविधा सम्बन्धमा व्यवस्था गर्न बनेको विधेयक २०७५
• प्रदेशसभा सचिवालय सम्बन्धमा व्यवस्था गर्न बनेको विधेयक २०७५
• प्रदेश दुग्ध विकास बोर्डको स्थापना र व्यवस्था गर्न बनेको विधेयक २०७५ 
• प्रदेश विपद् व्यवस्थापन सम्बन्धमा व्यवस्था गर्न बनेको विधेयक, २०७५ 

त्यसैगरी प्रदेश प्रमुख कोइरालाले प्रदेशसभाको बैठकले केही हप्ता अघि पारित गरी पठाएका विभिन्न ११ विधेयकलाई प्रमाणीकरण गरेर मुख्यमन्त्री तथा मन्त्रिपरिषद् कार्यालयमा पठाइसकेको प्रदेश नं ३ प्रमुख सचिवालयका कानून अधिकृत राजेश तामाङले जानकारी दिए।