दैलेखमा जिप दुर्घटना, १० घाइते

सुर्खेत- कर्णाली राजमार्गको दैलेख खण्डमा शुक्रबार बिहान जिप दुर्घटना भएको छ। जुम्लाबाट सुर्खेत आउँदै गरेको भे१ज ९७९ नम्बरको जिप बिहान दैलेखको आठबीस नगरपालिका-१ डावमा दुर्घटनामा परेको हो।

घटनामा परी १० जना यात्रु घाइते भएका छन्। प्रहरीका अनुसार घाइते हुनेमा जुम्ला गोठीचौर-४ का ३८ वर्षीय रत्न पाण्डे, सोही ठाउँका १८ वर्षीय राज्यलक्ष्मी पाण्डे, वीरेन्द्रनगर-१ सुर्खेतका २६ वर्षीय जयहरि शर्मा, वीरेन्द्रनगर-३ का २२ वर्षीय पुरुषोत्तम अधिकारी र चन्दननाथ नगरपालिका-१० जुम्लाका १६ वर्षीय प्रकाश न्यौपाने छन्।

अन्य घाइतेको नाम, ठेगाना खुल्न बाँकी रहेको प्रदेश प्रहरीका सूचना अधिकारी डीएसपी योगेन्द्रबहादुर खड्काले जानकारी दिए। उनका अनुसार घाइते सबैलाई उपचारका लागि सुर्खेतस्थित क्षेत्रीय अस्पाल ल्याइँदैछ। जिप सडकबाट करिब ७० मिटर तल खसेको प्रहरीको भनाइ छ।