काठमाडौंको बिहानी न्यूनतम तापक्रम ९ डिग्री सेल्सियस

काठमाडौं- काठमाडौं उपत्यकामा आज बिहानैबाट बादल र कुहिरो लागेको छ। पारिलो घाम नलागेका कारण केही अँध्यारो देखिएको छ। 

मौसमविद् गंगा नगरकोटीका अनुसार काठमाडौंमा बिहानैदेखि बादल र कुहिरो लागेकाले घाम लागेको छैन। दिउँसो भने केही खुल्न सक्ने मौसम पूर्वानुमान महाशाखाले जनाएको छ।

कुहिरो र बादल लागे पनि वर्षाको सम्भावना भने छैन। काठमाडौंमा बिहान सोढे ८ बजेको न्यूनतम तापक्रम ९ डिग्री सेल्सियस रहेको छ। 

भिजिविलिटी दुई किलोमिटर रहेको नगरकोटीले जानकारी दिइन्। यो भिजिविलिटीले केही एयरलाइन्सको उडान तथा अवतरणमा रोकिन सक्छ। एयरलाइन्स अनुसार न्यून भिजिविलिटीमा उडान तथा अवरण गर्नसक्ने क्षमता फरक–फरक हुन्छ।