मोरङमा कुटपिट गरी हत्या गरेको आरोपमा एक जना पक्राउ

काठमाडौं- मोरङमा सामान्य विवादमा कुटपिट गरी हत्या गरेको आरोपमा एक जना पक्राउ परेका छन्। केराबारी गाउँपालिका ९ का ४३ वर्षीय दुर्गाकुमार राईको कुटपिट गरी हत्या गरेको अभियोगमा लेटाङ  नगरपालिका १ का ३० वर्षीय साने भन्ने हस्त बहादुर लिम्बुलाई पक्राउ गरेको प्रहरीले जनाएको छ। 

सामान्य वादविवादमा लिम्बुले आइतबार दिउँसो कुटपिट गर्दा गम्भीर घाइते भएका राईलाई उपचारको लागि न्यूरो अस्पताल विराटनगर लगिए पनि उपचार हुन नसक्दा घर ल्याएकोमा मृत्यु भएको थियो।

उक्त घटनामाको सूचना पाउनासाथ इलाका प्रहरी कार्यालय बेलबारीबाट खटिएको प्रहरीले कुटपिटमा संलग्न लिम्बुलाई पक्राउ गरेको हो। यस सम्बन्धमा थप अनुसन्धान गरिरहेको समेत प्रहरीले बताएको छ।