संस्थापन इतरको छलफलमा दुई घण्टा ढिलोगरी पुगे शेखर

काठमाडौं- संस्थापन इतर समूहका नेताहरूको छलफलमा डा. शेखर कोइराला दुई घण्टा ढिलोगरी सहभागी भएका छन्। बिहान ८ बजेदेखि नै छलफल सुरु भए पनि डा. कोइराला करिब १० बजेतिरमात्रै बैठकमा पुगेका हुन्।

लैनचौरस्थित एक होटलमा चलिरहेको बैठकबाट संस्थापन इतर समूहले संसदीय दलको नेताका लागि साझा उम्मेदवार तय गर्नेगरी छलफल गरिरहेको छ। संस्थापन इतर समूहबाट महामन्त्री गगन थापा र डा. शेखर कोइरालाले रुचि देखाएका छन्। 

छलफलमा उपसभापति धनराज गुरुङ, सहमहामन्त्रीद्वेय बद्री पाण्डे, जीवन परियार, सांसद् चन्द्र भण्डारीलगायत नेताहरू सहभागी छन्।