बैतडीमा बाँदरको आक्रमणबाट महिला घाइते

बैतडी- बैतडीमा बाँदरको आक्रमणबाट एक महिला घाइते भएकी छन्। भान्सा कोठामा खाना पकाइरहेका बदेलले आक्रमण गर्दा दोगडाकेदार गाउँपालिका-४ पीपलकोटकी ५० वर्षीया मीना भट्ट घाइते भएकी हुन्। 

उनको टाउकोमा छ वटा टाँका लगाइको छ। बाँदरको झुण्ड खाना खोस्न भान्सामा पसेकाबेला प्रतिकार गर्दा बाँदरले आक्रमण गरेर गम्भीर घाइते बनाएको पीडित महिलाका देवर सत्यदेव भट्टले बताए।

दशरथचन्द नगरपालिका–४, ५, ६, ८ र १० नम्बर वडाका अधिकांश गाउँ बाँदरका कारण रित्तिएको मोहित भण्डारीले बताए। भारतले हरिद्वारका बाँदर गाडीमा राखेर बैतडी जिल्लाको महाकाली छेउमा छोड्दा ती बाँदरले बैतडीको दशरथचन्द नगरपालिका र दोगडाकेदार गाउँपालिकामा आतङ्क मच्चाएको किसानको गुनासो छ।