सनराइज बैंकका ग्राहकलाई विश्वज्योति सिनेप्लेक्समा अफर

काठमाडौं- सनराइज बैंकका ग्राहकहरूले विश्वज्योति सिनेप्लेक्समा सिनेमा हेर्नका लागि दुइटा टिकट  खरिद गर्दा एउटा टिकट निःशुल्क पाउने भएका छन्। बैंकले आफ्ना ग्राहकहरूलाई लाभान्वित तुल्याउन र डिजिटल भुक्तानीमा बानी पार्ने उद्देश्यले विश्वज्योति सिनेप्लेक्ससँग त्यस्तो सम्झौता गरेको हो।

सम्झौताअनुसार सनराइज बैंकका ग्राहकहरूलाई हरेक दुई टिकटको खरिदमा बैंकको तर्फबाट एक टिकट निःशुल्क दिइनेछ। यो योजना बैंकले पुस १ गतेदेखि तीन महिनासम्मका लागि ल्याएको जनाएको छ। बैंकका अनुसार बैंकका ग्राहकहरूले यो योजना अवधिभर कुनै पनि चलचित्रको दुईवटा टिकट खरिदमा एउटा टिकट निःशुल्क प्राप्त गर्न सक्नेछन्।

यस योजनामा सहभागी हुनका लागि ग्राहकहरूले टिकट खरिद गर्दा सनराइज बैंकका डेबिट/क्रेडिट कार्ड वा मोबाइल बैंकिङप्रयोग गरी भुक्तानी गर्नुपर्नेछ। सनराइज बैंकले केही वर्षअगाडि पनि क्यूएफएक्स सनिमाजका दुईवटा टिकटको खरिदमा एउटा टिकट सित्तैँमा दिने लोकप्रिय योजना ल्याएको थियो। 

सनराइज बैंकले आफ्ना ग्राहकहरुको सुविधा तथा सहजतालाई मध्यनजर गर्दै विभिन्न छुट तथा अफरहरू दिँदै आएको छ। यस अफरले ग्राहकहरूलाई नगद भुक्तानीबाट डिजिटल भुक्तानीमा जान आकर्षित गर्ने र उक्त भुक्तानीमा पाइने लाभले अझै बढी कारोबार गर्न मद्दत गर्ने बैंकले जनाएको छ।