कर्णालीमा राउटेले मनाए 'जबरजस्ती' संविधान दिवस

सुर्खेत- लोपोन्मुख जाती राउटे समुदायले पनि कर्णाली प्रदेशमा जबरजस्ती संविधान दिवस मनाएका छन्। 

दैलेखको गुराँश गाउँपालिका-८ मा बस्दै आएका राउटे समुदायलाई एक संस्थाले संविधान दिवश मनाउन सुर्खेतमा सहभागी गराएको हो। डुङ्गे युगको झ-झल्ल्को दिने राउटे समुदायले झाँकीसहित संविधान दिवसमा सहभागी भएका थिए। 

उनीहरु आफू खुशी नभई गाउँपालिका र एक गैरसरकारी संस्थाको पहलमा दिवस मनाउन सुर्खेत झरेका थिए। 

वीरेन्द्रनगरमा आयोजित संविधान दिवसमा कर्णाली प्रदेशमा प्रदेश प्रमुख दुर्गाकेशर खनाल र प्रदेशमा कार्यवहाक मुख्यमन्त्री नरेश भण्डारीलगायत संविधान नेपाली इतिहासको एउटा महत्वपूर्ण दस्तावेज भएको बताएका थिए। उनीहरुले संघीयता कार्यान्वयनसँगै जनताका अधिकारलाई स्थापित गर्न संविधान कार्यान्वयन गर्नुपर्ने धारणा राखेका थिए।