पारा तेक्वान्दो खेलाडी सृजनाले शीर्ष तीन खेलाडीलाई हराउँदै रचिन इतिहास

काठमाडौं– नेपाली पारा तेक्वान्दो खेलाडी सृजना घिसिङले रियाद तेक्वान्दोमा पहिलो पटक स्वर्ण पदक जितेकी छन्। नेपालले उक्त प्रतियोगितामा पहिलो पटक स्वर्ण पदक जितेको हो।

उनले फाइनलमा टर्कीकी विश्वक नम्बर वान मेरियन काभडरलाई हराउँदै स्वर्ण पदक जितेकी हुन्। रियाद २०२२ विश्व पारा तेक्वान्दो ग्रान्ड प्रिक्समा उनले स्वर्ण जितेको जानकारी नेपाल तेक्वान्दो संघले दिएको हो।

नेपाली खेलाडी सृजनाले क्वार्टरफाइनलमा विश्व वरियताकी दोस्रो नम्बरमा रहेकी जेसिका गार्सिया लाई ४७ केजी तौलद समूहअन्तर्गत पराजित गरेकी थिइन्। विश्वक वरियताकी तेस्रो नम्बरमा रहेकी ब्राजिलकी नासिमेन्तो क्रिस्टिथिनलाई दोस्रो चरणमा हराएकी थिइन्। उनले नेपालका लागि ग्राण्ड प्रिक्समा पहिलो पटक स्वर्ण पदक जितेकी हुन्।