काठमाडौं- नेपाल क्रिकेट संघ(क्यान) ले नेपाल टी २० लिग खेल्ने छैटौं क्लबका नाम सर्वजनिक गरेको छ। यसअघि कान्तिपुर ग्रुपले क्लबले नेपाल टी २० लिगमा सहभागीता नगराउने भएपछि काठमाडौंको नाममा क्यानले नयाँ फ्रेन्चाइजको खोजी गरिरहेको थियो।
अहिले प्रतियोगिताको केहि दिन मात्र बाँकी रहँदा क्यानले लिग खेल्ने छैटौं टिमको घोषणा गरेको हो।
यो क्लबको मालिक भने नेपाल स्पोट्स भेन्चर रहेको छ। ‘नेपाल स्पोट्स भेन्चर, काठमाडौं बाहिरको एक कम्पनी काठमाडौं टिमको मालिक भएको छ र यसको नाम काठमाडौं नाइट्स रहने भएको छ,’ क्यानले सूचनामा लेखेको छ।
क्यानले नेपाल टी २० लिग आगामी २३ डिसेम्बर (पुस ८ गते)बाट सुरु गर्ने जानकारी पनि दिएको छ।
यो प्रतियोगिताको फाइनल खेल जनवरी १० तारिखमा हुने भएको छ।
पहिले चुनावको कारण सुरक्षा चुनौति हुने भन्दै सारिएको प्रतियोगिताको मिति दोस्रो पटक पनि सरेको हो। प्रतियोगिताको तयारी नभएपछि क्यानले दोस्रो पटक पनि मिति सारेको हो। यो प्रतियोगितामा ३० विदेशी खेलाडी नेपाल आएर खेल्ने क्यानले जानकारी दिएको छ।