२० ओभर नपुग्दै रोहितबाहेक सबै नेपाली ब्याट्स्मेन आउट

काठमाडौं – स्कटल्यान्डविरुद्ध टस जितेर पहिले ब्याटिङ रोजेको नेपाली टिमले आईसीसी विश्वकप लिग २ को अहिले जारी खेलमा कमजोर सुरुआतलाई निरन्तरता दिएको छ। खेलमा रन बनाउनु पूर्व नै पहिलो विकेट गुमाएको नेपालले २० ओभर नसकिँदै छ विकेट गुमाइसकेको छ।

अहिले नेपालले ७५ रन बनाएको अवस्थामा रोहित पौडेलबाहेक ब्याटरहरु अर्जुन साउँद, आसिफ शेख, ज्ञानेन्द्र मल्ल,  दिपेन्द्र सिंह ऐरी, आरिफ शेख आउट भइसकेका छन्। त्यसबाहेक नेपाली बलर हरिशंकर साह एलबीडब्यू आउट भएका छन्।

रोहित पौडेलले ३९ रन बनाउनु बाहेक नेपाली खेलाडीले सम्झनलायका प्रदर्शन गरेनन्।

पहिलो ओभरको तेस्रो बलमै अर्जुन साउँद आउट भएका थिए। चौथो  ओभरको पहिलो बलमा दुई रन बनाएको अवस्थामा अर्का ओपनर आशिफ शेख पनि आउट भए।

१६ बल खेलेका ज्ञानेन्द्र ९ रन बनाएर पेवेलिन फर्किए भने दिपेन्द्रले पनि १४ रन भन्दा धेरै जोड्न सकेनन्।

नेपालले १९ ओभर दुई बलदमा छैटौं विकेटका रुपमा हरिशंकर साहलाई गुमाएको हो। अहिले २१ ओभर सकिँद नेपालले ७७ रन बनाएको छ।

स्कटल्यान्डका ब्रान्डम म्याकुलमले दुई विकेट लिएका छन्।