जर्मन प्रशिक्षक बन्न चाहँदैनन् लिभरपुलका क्लोप

काठमाडौं– कतारमा जारी फिफा विश्वकपको समूह चरणबाटै बाहिरिएपछि जर्मन फुटबल टिमका प्रशिक्षक हान्सी फ्लिकको चौतर्फी आलोचना भइरहेको छ। जर्मन टिम सम्हालेको एक वर्ष हुँदै गर्दा राम्रो प्रदर्शन गर्न नसकेका कारण उनको विकल्पको खोजी सुरु हुन थालेको छ।

यसैबीच लिभरपुलका जर्मन प्रशिक्षक जर्जेन क्लोपलाई जर्मनीको राष्ट्रिय टोली सम्हाल्न राखिएको प्रस्ताव उनले अस्वीकार गरेका छन्। आफू पूर्णरूपमा लिभरपुलमा केन्द्रित भएको र अहिलेको अवस्थामा जर्मनीको प्रशिक्षक बन्न नचाहेको उनले बताएका छन्।

लिभरपुलमा सन् २०१५÷१६ को सिजनदेखि प्रशिक्षण गर्न थालेका क्लोपले लिभरपुललाई प्रिमियर लिग तथा च्याम्पियन्स लिगको उपाधि जिताइसकेका छन्। उनले लिभरपुलसँग सन् २०२६ सम्मको सम्झौता थप गरिसकेका छन्।