श्रीकृष्ण प्रणामी युवा परिषदको अध्यक्षमा नमराज

काठमाडौं-श्रीकृष्ण प्रणामी युवा परिषदको १२ औँ अधिवेशन सम्पन्नभएको छ । सो अधिवेशनबाट नमराज ढकालको नेतृत्वमा २१ सदस्यी कमिटी चयनभएको छ । काठमाडौँको गोठाटारमा शनिबारबाट दुई दिनसम्म चलेको सो अधिवेशनबाट अध्यक्षमा ढकाल निर्बिरोध भएका हुन् ।

उपाध्यक्षमा क्रमशः यज्ञप्रसाद ढकाल (मोरङ), कौशल फुयाँल (काठमाडौँ), जगदिशचन्द्र शर्मा (चितवन), महासचिवमा सुमन पुडासैनी (चितवन), सचिवमा टंकप्रसाद ओझा, कोषध्यक्षमा सुजन सुवेदी र सह-कोषाध्यक्षमा कमल कृष्ण केसी निर्वाचित भए ।

सदस्यहरुमा क्रमशः इन्द्रप्रसाद दहाल, अनिल कोइराला, गंगालाल श्रेष्ठ, छविलाल थपलिया, कमल कोइराला, उद्धव केसी, नमराज गौतम, रितुदेवी सापकोटा, विष्णुप्रसाद वाग्ले , पर्शुराम सापकोटा, यदुकुमारी वाग्ले, उमेश प्रधान विजयी भए ।

विजयीपछि कार्यक्रमलाई बोल्दै अध्यक्ष ढकालले आफ्नो कार्यकालमा संस्थालाई सुदृढ बनाउने बताए । उनले युवा क्षमताको विकास, सीप विकाससँगै सूचना र प्रविधिमैत्री बनाउने पनि बताए। उनले स्वास्थ्य, शिक्षा र वातावरणको क्षेत्रमाकामगर्ने प्रतिबद्धता ब्यक्तगर्दै विपन्न परिवारका बालबच्चालाई छात्रावृद्धिमार्फत शिक्षाको पहुँच पुर्‍याउने बताए ।

नवनिर्वाचित अध्यक्ष ढकालले परिवार, समाजको र राष्ट्रको सम्पत्तिको रुपमा लिइने युवाहरु आज विकृति, विसंगती र संस्कारको कमीले दुव्र्यसनी र कुलतको शिकार भइरहेको वर्तमान सन्दर्भमा युवा परिषदले उनीहरुलाई नैतिक तथा आध्यामिक शिक्षाको माध्यमबाट सुसंस्कृत बनाउँदै आर्थिक रुपमा आत्मनिर्भर बनाउन स्वदेशमै पेशा, रोजगारीको सुनिश्चितता गर्ने उद्देश्यले सीप विकास, उद्यमशिलता विकास र अन्य क्षमता विकास सम्बन्धी तालिम कार्यक्रमहरु देशव्यापी रुपमा सञ्चालन गरिने पनि बताए ।  

आध्यामिक दर्शन र मुलुकभित्र ठूलो संख्या अनुयायी रहेको धर्म र संस्कृतिको संरक्षण र विकासमा राज्यका कुनै पनि निकाय एवं ३ वटै तहको सरकारी संयन्त्रबाट समेत कुनै ध्यान नदिएकोमा राज्यपक्षसँग गुनासो गर्दै अध्यक्ष ढकालले आगामी दिनमा युवावर्गलाई नैतिकवान र अनुशासित बनाउन र शान्त एवं सुखी नेपाली समाज निर्माण गर्न अध्यात्मिक दर्शनको र धर्म संस्कृतिको सम्बर्धन एवं विकासमा जोड दिन सरकारको ध्यानाकर्षण गरे ।