पीएसजीसँग सम्झौता थप गर्दै मार्को भेराटी

काठमाडौं– पेरिस सेन्ट जर्मेन्ट (पीएसजी) का इटालियन मिडफिल्डर मार्को भेराटीले क्लबसँग सम्झौता थप गर्ने भएका छन्। उनी अझै चार वर्ष अर्थात् सन् २०२६ सम्म पीएसजीमै रहने ट्रान्सफर मार्केटका प्रख्यात पत्रकार फाब्रिजियो रोमानियोले बताएका छन्।

३० वर्षे भेट्रान इटालियन मिडफिल्डरले पीएसजीमा एक दशक समय बिताइसकेका छन्। सन् २०१२ देखि पीएसजीमा खेल्दै आएका भेराटी अहिले टिममा दोस्रो रोजाइका कप्तान समेत हुन्। उनले पीएसजीका लागि ३९८ खेल खेल्दै ११ गोल र ६१ असिस्ट गरेका छन्। साथै उनले आठवटा फ्रेन्च लिग वान र छ वटा फ्रेन्च कपको उपाधि जितेका छन्। उनी पीएसजीका एक लिजेन्डरी खेलाडी हुन्।