नेताहरूसँगको भेटवार्तालाई तीव्रता दिँदै सिके राउत, आज बाबुराम भट्टराईसँग भेटे

काठमाडौं- जनमत पार्टीका अध्यक्ष सिके राउतले पछिल्लो समय राजनीतिक भेटघाटलाई तीव्रता दिएका छन्। जनमत पार्टीका अध्यक्ष राउतले पछिल्लो समय विभिन्न दलका नेताहरूसँग भेटघाट गरिरहेका हुन्।

सोही क्रममा उनले सोमबार नेपाल समाजवादी पार्टीका अध्यक्ष तथा पूर्व प्रधानमन्त्री डा. बाबुराम भट्टराईसँग भेट गरेका छन्। भेटमा पछिल्लो राजनीतिक अवस्थाबारे छलफल भएको डा भट्टराईले जानकारी दिएका छन्। 

भेटपछि ट्विट गर्दै भट्टराईले संवैधानिक समापतिको हैसियतले तत्कालीन सबै विद्रोही समूहहरुको राय लिन क्रममा सिंह दरबारमा भेट्दा औंला उठाउनेहरू अहिले गलत सावित भएको बताएका छन्। 

भेटपछि डा भट्टराईले ट्वीट गर्दै भनेका छन्, ‘जनमत पार्टीका अध्यक्ष डा सिके राउत र अन्य उच्च पदाधिकारीसँग समसामयिक राजनीतिबारे उपयोगी छलफल। मैले संविधान निर्माणको क्रममा संवैधानिक समितिको सभापतिको हैसियतले तत्कालीन सबै विद्रोही समूहहरूकोसमेत राय लिने क्रममा उहाँलाई सिंहदरबारमा भेट्दा औंला उठाउनेहरू आज गलत सावित भएकोमा खुसी व्यक्त गरेका छन्।’