पोल्यान्डलाई हराउँदै फ्रान्स विश्वकपको क्वाटरफाइनलमा

काठमाडौं- कतारमा जारी फिफा विश्वकपअनतर्गत आइतबार राति भएको पहिलो प्रि-क्वाटर फाइनलमा पोल्यान्डलाई ३-१ गोल अनतरले पराजीत गर्दै क्वाटरफाइनलमा प्रवेश गरेको छ। 

फ्रान्सको जीतमा केलियन एम्बाप्पेले दुई र ओलिभर जिरुडले एक गोल गरे। त्यस्तै पोल्यान्डका लागी रोवर्ट लेवान्डोस्कीले पेनाल्टीमार्फत एक सान्तवना गोल गरे। खेलमा फ्रान्सका लागी एक गोल गरेका र्ओलिभर जिरुड फ्रान्सका लागी सबै भन्दा धेरै गोल गर्ने खेलाडी बनेका छन्। 

उनले थिएरी हेन्रीको नाममा रहेको ५१ गोलको किर्तीमान आफ्नो नाममा बनाएका हुन्। जिरुडले फ्रान्सका लागी ५२ गोल गर्नका लागि एक सय १७ खेल खेलेका छन्।

अब साबिक विजेता फ्रान्सले क्वाटरफाइनलमा इङगल्यान्ड र सेनेगलबिचको विजेतासँग खेल्नेछ।