सेनेगललाई हराउँदै इंग्ल्यान्ड विश्वकपको क्वार्टरफाइनलमा

काठमाडौं- कतारमा जारी फिफा विश्वकपको चौथो प्रि-क्वार्टरफाइनल खेलमा इंग्ल्यान्डले सेनेगललाई ३-० ले हराएको छ। अल बायत रंगशालामा सम्पन्न खेलमा इंग्ल्यान्डले सहज जित निकालेको हो।

इंग्ल्यान्डको जितका लागि जोर्डन हेन्डरसन, ह्यारी केन र बुकायो साकाले समान १-१ गोल गरेका थिए।

खेलको ३८औं मिनेटम बुकायो साकाले गोल गर्दै इंग्ल्यान्डलाई अग्रता दिलाएका थिए। त्यस्तै, पहिलो हाफको इन्ज्युरी समयमै कप्तान केनले गोल गर्दै अग्रतालाई दोब्बर बनाए।

यता, खेलभरी इंग्ल्यान्डको पोस्टतर्फ १० पटक प्रहार गरे पनि सेनेगलका कुनै प्रहारले सफलता पाउन सकेन। बरु इंग्ल्यान्डका बुकायो साकाले नै खेलको ५७औं मिनेटमा गोल गरेर सहज जिततर्फ पुर्‍याएका थिए।

यसँगै अब इंग्ल्यान्डले क्वार्टरफाइनलमा फ्रांन्ससँग भेट पक्का गरेको छ।