कुशल पहिलो बलमै 'कट एन्ड बोल्ड आउट'

काठमाडौं– स्कटल्यान्डविरुद्ध ब्याटिङमा सुस्त सुरुआत गरेको नेपालका कुशल भुर्तेल पहिलो बलमै आउट भएका छन्। पाँचौं विकेटका रुपमा मैदानमा छिरेका कुशल कट एन्ड बोल्ट आउट हुँदै मैदानबाट बाहिरिएका हुन्।

खेलको २३ ओभर एक बलमा आरिफ शेख आउट भएपछि कुशल मैदानमा प्रवेश गरेका थिए। तर उनी आफ्नो पहिलो बलमै क्रिस सोलेबाट आउट भए। उनलाई बल गरेका सोले आफैंले क्याचआउट गराएका हुन्। सोलेले लगातार दुई बलमा नेपालको महत्वपूर्ण दुई विकेट लिए।

नेपालका लागि अहिलेसम्म ज्ञानेन्द्र मल्लले २५ रन बनाए भने आरिफ शेख १० रनमै आउट भए। खेलको पहिलो ओभरका कुनै रन नजोडेको नेपाले दोस्रो ओभरमा मात्र रनको खाता खोलेको थियो। तेस्रा ओभरमा पहिलो बाउन्ड्रिी हाने पनि नेपालले त्यहि ओभरमा विकेट गुमायो। त्यसपछि नेपालका दुवै ओपनर आउट भएका थिए।

नोपलका लागि अर्जुन साउँदले ४४ बलमा १८ रन मात्र बनाउन सके। त्यस्तै अर्को ओपनर आसिफ शेखले भने पाँच बलमा सात रन जोडेरआउट भए।

१० ओभर सकिँदा नेपालले एक विकेट गुमाएर २६ रन मात्र बनाउन सकेको थियो। त्यसयता भने नेपालले रन रेटमा सुधार गरेको छ। १६ औं ओभर सकिँदा नेपालले  दुई विकेट गृुमाएर ५५ रन बनाएको थियो। २४ ओभर सकिँदा नेपालले ८० रन मात्र बनाउन सकेको छ।

ब्रेन्डल म्याकुलम र मार्क वाटले एकएक विकेट लिए भने अर्जुन रनआउट भए। अहिले मैदानमा कप्तान रोहित पौडेलसँगै दिपेन्द्र सिंह ऐरी छन्।