लियोनेल मेस्सीको एक हजारौं खेल पूरा हुँदै

काठमाडौं- अर्जेन्टिना र अस्ट्रेलियाको खेल हुँदैगर्दा अर्जेन्टिनाका टिम कप्तान लियोनेल मेस्सीको लागि अर्को विशेष क्षण पनि हुनेछ। किनकि मेस्सीको आज रातिको खेल उनको खेल जीवनको एक हजार खेल हो। 

उनी आफ्नो ऐतिहासिक क्षणमा टिमलाई जिताउँदै क्वाटर फाइनलको यात्रा सुनिश्चित गर्न चाहन्छन्। सन् २००५ बाट अर्जेन्टिनाको टिममा डेब्यू गरेका मेस्सीले कतार विश्वकप आफ्नो अन्तिम विश्वकप रहेको यसअघिनै बताइसकेका छन्।

मेस्सीले व्यावसायिक फुटबलमा स्पेनिस क्लब बार्सिलोनाका लागी ७ सय ७८ खेल खेलेका छन्। त्यस्तै उनले फ्रेन्च क्लब पेरिस सेन्ट जर्मेन्ट पिएसजीका लागी ५३ खेल खेलेका छन्। उनले अर्जेन्टिनाको जर्सिमा १ सय ६८ खेल खेलिसकेका छन्। यी खेलका दौरान उनले ९३ गोल गरिसकेका छन्। 

उनी अर्जेन्टिना र बार्सिलोनाको अल टाइम टपस्कोररसमेत हुन्। मेस्सीले ९ सय ९९ खेल खेल्दा ७ सय ८८ गोल र ३ सय ४८ अशिष्ट गरेका छन्। उनी सर्वाधिक सातपटकका वालोन डी ओर र छ पटकका युरोपियन गोल्डेन बुट विजेता पनि हुन्।