विश्वकर्मा पूजा मनाइदैँ (फोटो फिचर)

काठमाडौँ- कन्या अर्थात् आसोज सङ्क्रान्तिका दिन सोमबार कालीगढले विश्वकर्माको पूजाआजा गरी विश्वकर्मा दिवस मनाउँदैछन्। फलाम र फलामजन्य सामग्रीको पुजा अर्चना गरि विश्वकर्मा पूजा मनाइने गरिन्छ । 

आज कलकारखाना, उद्योग, ग्यारेजलगायतका विभिन्न ठाउँहरुमा भव्यताका साथ विश्वकर्माको पुजा गरिन्छ। वर्षदिनभरी काम गर्ने मेसिनरी सामानलाई आजको दिन आराम दिंदै त्यसको पुजा गर्दा कार्यसिद्धिमा सहयोग गर्ने धार्मिक विश्वास छ। 

द्वापर युगमा भगवान् कृष्णलाई राक्षसले दुःख दिएपछि विश्वकर्माले समुद्रको बीचमा ‘भेद द्वारका’ बनाइ लुकाएको धार्मिक विश्वास छ। 

एकै रातमा समुद्रको बीचमा ‘भेद द्वारका’ को निर्माण गरेकाले विश्वकर्मालाई सफल वास्तुविद्का रुपमा मानी त्यसै समयदेखि पूजाआजा गर्ने परम्परा बसेको नेपाल पञ्चाङ्ग निर्णायक समितिका अध्यक्ष एवं धर्मशास्त्रविद् प्रा डा रामचन्द्र गौतम बताए।