यू-१९ क्रिकेटमा गण्डकी र लुम्बिनीको जित

काठमाडौं- काठमाडौंको कीर्तिपुर र मूलपानी क्रिकेट मैदानमा जारी-१९ राष्ट्रिय क्रिकेट प्रतियोगितामा आज गण्डकी र लुम्बिनी प्रदेशले जित हात पारेका छन्। 

पाचौँ खेलमा गण्डकीले पहिलो जित हात पारेको हो। गण्डकीले कर्णालीलाई १०९ रनले पराजित गरेको छ।

मूलपानी क्रिकेट मैदानमा भएको खेलमा गण्डकीले जितका लागि दिएको २३५ रनको लक्ष्य पछ्याएको कर्णाली ३० ओभरमा अलआउट हुँदै १२५ रनमा समेटियो।

५ खेलमा २ अंकसहित गण्डकीले आजको खेलमा पहिलो अंक जोडेको छ। २ अंकसहित गण्डकी पाँचौं स्थानमा उक्लिएको छ।

कर्णाली ५ खेलमा १ जित तथा ४ हारका साथ २ अंक सहित अंक तालिकाको छैठौं स्थानमा रहेको छ।

त्यस्तै अर्को खेलमा प्रदेश १ विरुद्ध लुम्बिनीले जित निकाल्दा प्रदेश-१ प्रतियोगिताबाट बाहिरिएको छ।

त्रिवि क्रिकेट मैदानमा बिहीबार लुम्बिनी प्रदेशसँग पराजित हुँदै प्रदेश-१ बाहिरिएको हो। लुम्बिनीले लगातार चौंथो जित निकाल्ने क्रममा प्रदेश-१ लाई ६ विकेटले पराजित गर्‍यो।