छोराले चलाएको अटोरिक्सा दुर्घटनामा आमाको मृत्यु

सुर्खेत- सुर्खेतमा आफ्नै छोराले चलाएको अटोरिक्सा दुर्घटना हुँदा आमाको मृत्यु भएको छ। 

त्यस्तै श्रीमति र छोरी घाइते घाइते भएका छन् । पञ्चपुरी नगरपालिका-८ का भिम रामजालीले चलाएको अटोरिक्सा दुर्घटना हुँदा उनकी आमा गंगादेवी रामजालीको मृत्यु भएको हो। 

त्यस्तै उनकी श्रीमति चन्द्रा र छोरी शर्मिला रामजाली घाइते भएका छन्। दुर्घटनामा गम्भीर घाइते भएकी गंगादेवीको क्षेत्रिय अस्पताल सुर्खेतमा उपचारका क्रममा मृत्यु भएको जिल्ला प्रहरी कार्यालय सुर्खेत जानकारी दिएको छ।

बड्डीचौरदेखि वीरेन्द्रनगरतर्फ आउँदै गरेको भे १ ह १९३७ नम्बरको अटोरिक्सा आइतबार दिउँसो बराहतालको हुर्के नजिकै दुर्घटना भएको थियो। सुर्खेतका डिएसपी श्याम सिंह चौधरीले दिएको जानकारी अनुसार चालक भिम रामजालीलाई प्रहरीले नियन्त्रणमा लिएको छ। तिव्र गतिका कारण अटोरिक्सा दुर्घटना भएको प्रहरीले प्रहरीको भनाई छ।