जापानलाई पराजित गरेर ३ अंक जोड्यो कोस्टारिकाले

जारी फिफा विश्वकपअन्तर्गत समूह ‘ई’ को खेलमा कोस्टारिकाले जापानलाई १–० ले पराजित गरेको छ।

नेपाल समय | आइतबार, मंसिर ११, २०७९

नेपाल समय

आइतबार, मंसिर ११, २०७९

जापानलाई पराजित गरेर ३ अंक जोड्यो कोस्टारिकाले

काठमाडौं– जारी फिफा विश्वकपअन्तर्गत समूह ‘ई’ को खेलमा कोस्टारिकाले जापानलाई १–० ले पराजित गरेको छ।

कतारको अहमेद बिन अली रंगशालामा सम्पन्न खेलमा किसर फुलरले खेलको निर्धारित समय सकिन ९ मिनेट बाँकी रहँदा गरेको गोल निर्णायक बन्यो। यससँगै कोस्टारिकाले तीन अंक पक्का गर्‍यो। उनले १८ यार्ड बक्सभित्रबाट गरेको प्रहारले ‘सेकेन्ड बार’ को जाली चुम्यो। यो जितसँगै कोस्टारिकाले अन्तिम–१६ को सम्भावनालाई कायम राखेको छ।

जितसँगै दुई खेलबाट तीन अंक जोडेको कोस्टारिका तालिकाको तेस्रो स्थानमा उक्लिएको छ। यस्तै, समान खेलबाट तीन अंक नै जोडेको जापान दोस्रो स्थानमा छ। समूहबाट शीर्ष दुई टिमले प्रि–क्वार्टरफाइनलमा स्थान बनाउनेछन्।

प्रकाशित: Nov 27, 2022| 18:12 आइतबार, मंसिर ११, २०७९