गण्डकीका मुख्यमन्त्रीले हटाए आफ्नै पार्टीका मन्त्री

पार्टीका आधिकारिक उम्मेदवारलाई असहयोग गरेको आरोपमा खड्कालाई मन्त्रीबाट हटाएको बताइएको छ।

नेपाल समय | मंगलबार, कात्तिक २९, २०७९

नेपाल समय

मंगलबार, कात्तिक २९, २०७९

गण्डकीका मुख्यमन्त्रीले हटाए आफ्नै पार्टीका मन्त्री

काठमाडौं- गण्डकी प्रदेशका मुख्यमन्त्री कृष्‍णचन्द्र नेपाली पोखरेलले भौतिक पूर्वाधार, सहरी विकास तथा यातायात व्यवस्था मन्त्री कुमार खड्कालाई हटाएका छन्। खड्का कांग्रेसकै मन्त्री हु्न्।

मंगलबार मन्त्री खड्कालाई जिम्मेवारीबाट हटाएर मुख्यमन्त्री पोखरेलले उक्त मन्त्रालय आफैँले सम्हालेका छन्। मुख्यमन्त्री पोखरेलले मन्त्री खड्कालाई हटाएको पत्र प्रदेश प्रमुख कार्यालयमा पठाएका छन्।

खड्का कांग्रेसबाट २०७४ सालमा समानुपातिक सांसद भएका थिए। पार्टीका आधिकारिक उम्मेदवारलाई असहयोग गरेको आरोपमा खड्कालाई मन्त्रीबाट हटाएको बताइएको छ।

प्रकाशित: Nov 15, 2022| 16:57 मंगलबार, कात्तिक २९, २०७९