रवीन्द्र मिश्रको साथमा मनीषा कोइराला

काठमाडौं क्षेत्र नम्बर १ मा राप्रपाबाट उम्मेदवारी दिएका वरिष्ठ उपाध्यक्ष रवीन्द्र मिश्रलाई भोट माग्दै अभिनेत्री मनीषा कोइराला घरदैलोमा पुगेकी छन्।

नेपाल समय | मंगलबार, कात्तिक २९, २०७९

नेपाल समय

मंगलबार, कात्तिक २९, २०७९

काठमाडौं- काठमाडौं क्षेत्र नम्बर १ मा राप्रपाबाट उम्मेदवारी दिएका वरिष्ठ उपाध्यक्ष रवीन्द्र मिश्रलाई भोट माग्दै अभिनेत्री मनीषा कोइराला घरदैलोमा पुगेकी छन्।

वलिउड चलचित्रमा लामो समय काम गरेकी मनीषा मंगलबार बिहान काठमाडौं क्षेत्र नम्बर १ का विभिन्न ठाउँमा उम्मेदवार मिश्रसँगै घरदैलोमा पुगेकी हुन्।

घरदैलोका क्रममा बबरमहलमा आयोजित कोण सभामा मिश्रले कोइरालाप्रति आभार व्यक्त गरेका छन्।

धेरैले बिपी कोइरालाको आदर्शलाई बिर्सेर हिँडिराखेको बेलामा त्यसलाई अटल राख्नुपर्ने उनको धारणा थियो। त्यसबाट मात्र देशको हित र भलो हुने मिश्रले बताएका थिए। बिपीले बोलेको आदर्श नै यो देशका लागि सबैभन्दा उपयुक्त आदर्श भएको मिश्रले बताए।

मनीषा बिपीको नातिनी हुन्। मनिषा आज झापा जाँदैछिन्।