विराटनगर- नेपाली कांग्रेसले मोरङ ३ को प्रदेश (क)मा मानबहादुर लिम्बूलाई उम्मेदवार बनाएको छ। शेखरचन्द्र थापाको निधन भएपछि कांग्रेसले लिम्बूलाई नयाँ उम्मेदवार बनाएको हो।
उनले दिउँसो १ बजेसम्म मनोनयन दर्ता गराउँदै छन्। निर्वाचन अधिकृतको कार्यालयका अनुसार बिहीबार उम्मेदवारको मनोनय दर्ता गराएका उम्मेदवारविरुद्ध दाबी विरोधलगायतका प्रक्रिया पुरा गरेरर शुक्रबार उम्मेदवारको अन्तिम नामावली प्रकाशन हुनेछ।
प्रदेश १ का वन वातावरण तथा भूसंरक्षणमन्त्रीसमेत रहेका थापाको उपचारका क्रममा बुधबार बिहान विराटनगरस्थित नोबेल अस्पतालमा निधन भएको थियो।