डडेल्धुरामा चुनावी प्रचार गरेर प्रधानमन्त्री देउवा धनगढीमा

प्रधानमन्त्री शेरबहादुर देउवा गृहजिल्ला डडेल्धुरामा चुनावी प्रचार गरेर आइतबार धनगढी फर्किएका छन्।

नेपाल समय | आइतबार, कात्तिक २०, २०७९

नेपाल समय

आइतबार, कात्तिक २०, २०७९

डडेल्धुरामा चुनावी प्रचार गरेर प्रधानमन्त्री देउवा धनगढीमा

सुदूरपश्चिम- नेपाली कांग्रेसका सभापति एवं प्रधानमन्त्री शेरबहादुर देउवा गृहजिल्ला डडेल्धुरामा चुनावी प्रचार गरेर आइतबार धनगढी फर्किएका छन्।

आगामी मङ्सिर ४ गते हुने निर्वाचनमा डडेल्धुराबाट प्रतिनिधिसभा सदस्यको प्रत्यासी रहेका प्रधानमन्त्री देउवाले त्यहाँ आयोजित सात ठाउँका चुनावी सभालाई सम्बोधन गरेका थिए।

देउवा चुनावी प्रचारप्रसारका लागि यही कात्तिक १७ गते डडेल्धुरा पुगेका थिए। प्रधानमन्त्रीका स्वकीय सचिव भानु देउवाले प्रधानमन्त्री देउवा डडेल्धुराबाट फर्किएर धनगढी उपमहानगरपालिका–४ स्थित आफ्नै निजी निवासमा पार्टीका नेता कार्यकर्तासँगको भेटघाट थालेका छन्।

प्रधानमन्त्री देउवा सोमबार काठमाडौं फर्किने वा नफर्किने भन्नेबारे अहिल्यै टुङ्गो लागि नसकेको स्वकीय सचिव देउवाले जानकारी दिए।

प्रकाशित: Nov 06, 2022| 19:43 आइतबार, कात्तिक २०, २०७९