कांग्रेस प्रचारप्रसार समितिले बनायो १३ उपसमिति

काठमाडौं- नेपाली कांग्रेसको केन्द्रीय प्रचार–प्रसार समितिले आफ्ना उम्मेदवारका पक्षमा चुनावी वातावरण तयार गर्न १३ उपसमिति गठन गर्ने निर्णय गरेको छ। पार्टी कार्यालय सानेपामा मंगलबार बसेको समितिको पहिलो बैठकले यस्तो निर्णय गरेको हो। 

यस्तै समितिले पार्टीको केन्द्रीय कार्यालयमा सञ्चार केन्द्र स्थापना गर्नेसमेत निर्णय गरेको छ। यसका साथै प्रदेश, जिल्ला, प्रतिनिधि सभा तथा प्रदेश सभा निर्वाचन क्षेत्र र स्थानीय तहमा समेत पार्टीको सञ्चार संयन्त्र तयार गर्ने उसको निर्णय छ।

प्रतिनिधि सभा तथा प्रदेश सभा निर्वाचन क्षेत्रका समाचार, जानकारी, निर्वाचन गतिविधि केन्द्रमा सम्प्रेषण गर्ने व्यवस्था मिलाउने र केन्द्रले आवश्यक जानकारी प्रदेश, प्रतिनिधि सभा, प्रदेश सभा र स्थानीय तहसम्मका प्रचार–प्रसार समिति र पार्टी संयन्त्रमा सम्प्रेषण गर्ने बताइएको छ। 

यस्तो छ समितिको निर्णय

नेपाली कांग्रेस प्रतिनिधिसभा तथा प्रदेश सभा निर्वाचन २०७९, केन्द्रीय प्रचार–प्रसार समिति”को पहिलो बैठक मिति २०७९ असोज ३१ गते सोमबार समितिका संयोजक एवम् पार्टी प्रवक्ता डा. प्रकाश शरण महतको अध्यक्षतामा पार्टी केन्द्रीय कार्यालय, सानेपामा बस्यो । बैठकले प्रभावकारी रुपमा निर्वाचन प्रचार–प्रसारको कार्यसम्पादन गर्न देहायको निर्णय गरेको छः–

१. पार्टीको केन्द्रिय कार्यालयमा सञ्चार केन्द्र स्थापना गर्ने । प्रदेश, जिल्ला, प्रतिनिधि सभा तथा प्रदेश सभा निर्वाचन क्षेत्र र स्थानीय तहमा समेत पार्टीको सञ्चार संयन्त्र तयार गर्ने । प्रतिनिधि सभा तथा प्रदेश सभा निर्वाचन क्षेत्रका समाचार, जानकारी, निर्वाचन गतिविधि केन्द्रमा सम्प्रेषण गर्ने व्यवस्था मिलाउने र केन्द्रीय संचार केन्द्रबाट आवश्यक जानकारी प्रदेश, प्रतिनिधि सभा, प्रदेश सभा र स्थानीय तहसम्मका प्रचार–प्रसार समिति र पार्टी संयन्त्रमा सम्प्रेषण गर्ने व्यवस्था मिलाउने ।

२. पार्टीको निर्वाचन प्रचार–प्रसारकालागि आवश्यक प्रचार सामाग्री निमार्ण गर्ने र विभिन्न सञ्चार माध्यमहरु रेडियो, एफएम, टीभी, प्रिन्ट मिडिया, अनलाईन तथा सामाजिक सञ्जाल लागयतबाट पार्टीको सन्देश सम्प्रेषण गर्ने । उक्त कार्यका लागी पार्टी सम्वद्ध भातृ एवं शुभेच्छुक संस्था, विज्ञ वुद्धिजीवी साथीहरु, सञ्चारकर्मी, अन्य पेशागत संस्था र साथीहरुलाई अधिकतम् संलग्न गराई सक्रिय गराउने । प्रचार सामाग्री उत्पादन तथा प्रचार–प्रसारका लागि निम्नानुसारका उप–समितिहरु गठन गर्नेः