पार्टी सभापति देउवाले तरुण अध्यक्ष गुरुङलाई भने– लाग लाग उम्मेदवार जिताउन लाग

प्रधानमन्त्री देउवाद्वारा आगामी निर्वाचनमा पार्टीको बहुमत आउने गरी प्रचारमा लाग्न अध्यक्ष गुरुङलाई निर्देशन।

नेपाल समय | आइतबार, असोज ३०, २०७९

नेपाल समय

आइतबार, असोज ३०, २०७९

पार्टी सभापति देउवाले तरुण अध्यक्ष गुरुङलाई भने– लाग लाग उम्मेदवार जिताउन लाग

काठमाडौं– नेपाल तरुण दलका अध्यक्ष विद्वान गुरुङले प्रधानमन्त्री एवं पार्टी सभापति शेरबहादुर देउवासँग प्रधानमन्त्री निवास बालुवाटारमा आगामी चुनावी कसरी अगाडि बढ्ने भन्ने सम्बन्धमा छलफल गरेका छ।

भेटमा तरुण दल अध्यक्ष गुरुङले नजिकिँदै गएको प्रतिनिधिसभा र प्रदेशसभा निर्वाचनमा सम्पूर्ण तरुण शक्ति परिचालित गर्ने जानकारी देउवालाई गराए।

तरुण दल अध्यक्षको हैसियतमा पार्टीलाई जिताउन केही दिनभित्रै देश दौडाहामा निस्किने र हरेक निर्वाचन क्षेत्र पुगेर उम्मेदवार जिताउने रणनीतिसहित अगाडि बढ्ने उनले प्रधानमन्त्री देउवालाई सुनाए।

छलफलमा प्रधानमन्त्री देउवाले आगामी निर्वाचनमा पार्टीको बहुमत आउने गरी प्रचारमा लाग्न अध्यक्ष गुरुङलाई निर्देशन दिए। प्रधानमन्त्री देउवाले भने, ‘लाग लाग उम्मेदवार जिताउन लाग।’

प्रकाशित: Oct 16, 2022| 12:26 आइतबार, असोज ३०, २०७९