काठमाडौं– आगामी मंसिर ४ गते हुन गइरहेको प्रतिनिधिसभा र प्रदेशसभा निर्वाचनका लागि निर्वाचन आयोगले कल सेन्टर र निर्वाचन ई–बुलेटिनको सुरुवात गरेको छ।
निर्वाचनसम्बन्धी गुनासो सुन्न तथा सल्लाह सुझावका लागि कल सेन्टरको स्थापना गरिएको आयोगले जनाएको छ। ११०२ नम्बरमा फोन गरेर जानकारी लिन तथा सल्लाह सुझाव दिन सकिन्छ।
कल सेन्टर र ई–बुलेटिनको उद्घाटन गर्दै प्रमुख आयुक्त दिनेश थपलियाले यो सेवाको भरपुर फाइदा लिन आग्रह गरे। थपलियाले कल सेन्टरका कर्मचारीलाई कल सेन्टरमा आएका गुनासा तथा सुझावका विषयमा संयमित हुन निर्देशन पनि दिए।