'सहरबिनाको सहर' लिएर आए दामोदर 

काठमाडौं- साहित्कार दामोदर पुडाशैनी तराइ र मधेशका विभिन्न जिल्लाहरूको पृष्ठभूमिमा रचिएका कविताहरूको संगालो ‘सहरबिनाको सहर’ कविता संग्रह लिएर आएका छन् । संग्रहमा ५२ कविताहरू समावेश गरिएका छन्।

तराइ मधेशको समस्या, संस्कार, भूगोल र सम्भावना समेटेर नयाँ ढंगबाट अघि बढाउन खोजिएको समालोचक राजेन्द्र विमलले भूमिका बताएका छन्।

'सहरबिनाको सहर’ संग्रहका कविताहरूले मधेश हिमाल बिना अधुरो र हिमाल मधेश विना अधुरो रहेका भन्ने कविले काब्य मन्तव्यमा बताए।
  
साझाबाट प्रकाशनमा आएको ‘सहरबिनाको सहर’ कविता संग्रह कवि दामोदर पुडाशैनीको चौथो कृति हो। पुडाशैनी नेपाल सरकारका सहसचिव तथा महालेखा परीक्षकको कार्यालयमा महालेखा परीक्षकको रूपमा पनि कार्यरत छन्।