भीम रावलले भने- ओ‌लीले टिकट नदिनु अन्यायपूर्ण

नेकपा एमालेका नेता भीम रावलले एकल सिफारिस हुँदा पनि उम्मेदवार नबनाउनु दुखद भएको बताएका छन्।

नेपाल समय | बिहीबार, असोज २७, २०७९

नेपाल समय

बिहीबार, असोज २७, २०७९

भीम रावलले भने- ओ‌लीले टिकट नदिनु अन्यायपूर्ण

काठमाडौं- नेकपा एमालेका नेता भीम रावलले एकल सिफारिस हुँदा पनि उम्मेदवार नबनाउनु दुखद भएको बताएका छन्।

काठमाडौंमा बिहीबार पत्रकार सम्मेलन गर्दै रावलले आफूमाथि अध्यक्ष ओलीले अन्यायपूर्ण, स्वेच्छाचारी निर्णय गरेको आरोप लगाए। आफूलाई टिकट नदिएकोमा रावलले ओलीको कडा आलोचना गरेका छन्।

'अछाम १ बाट एमालेका निम्ति कुनै योगदान नगरेको, सिफारिस नै नगरेको व्यक्तिलाई टिकट दिइयो। पार्टी पदाधिकारी र ओलीले गरेको निर्णय स्वेच्छाचारी, अन्यायपूर्ण र गलत छ,' उनले भने।

पार्टीमा विधि र अनुशासन कायम नरहेको रावल आरोप छ। 'पार्टीमा परामर्श नै हुँदैन। आफूविरुद्ध अनावश्यक भ्रम फैलाउने काम भइरहेको छ,' उनले भने।

आफूलाई प्रतिनिधिसभा सदस्यका लागि अछाम १ बाट टिकट नदिनु सुदूरपश्चिमका नेता र कार्यकर्ताको घोर अपमान रावलले बताए।

प्रकाशित: Oct 13, 2022| 13:34 बिहीबार, असोज २७, २०७९