भारतको नयाँ प्रधानन्यायाधीश चन्द्रचुड बन्‍ने

भारतको नयाँ प्रधानन्यायाधीश डि वाई चन्द्रचुड बन्‍ने भएका छन्।

नेपाल समय | बुधबार, असोज २६, २०७९

नेपाल समय

बुधबार, असोज २६, २०७९

भारतको नयाँ प्रधानन्यायाधीश चन्द्रचुड बन्‍ने

नयाँ दिल्ली- भारतको नयाँ प्रधानन्यायाधीश डि वाई चन्द्रचुड बन्‍ने भएका छन्।

वर्तमान प्रधानन्यायाधीश युयु ललितले मङ्गलबार भावी प्रधानन्यायाधीशको रुपमा चन्द्रचुडको नाम सिफारिस गरेका हुन्। उनी भारतको ५०औँ प्रधानन्यायाधीश बन्‍ने भएका हुन्। उनको कार्यकाल आगामी नोभेम्बर ९ तारिखदेखि सुरु हुनेछ भने सन् २०२४ को नोभेम्बर १० तारिखमा सकिने छ ।

केन्द्रीय कानुन मन्त्रालयले गत हप्ता नै नयाँ प्रधानन्यायाधीश चयनका लागि प्रक्रिया अगाडि बढाएको थियो। मन्त्रालयको आग्रह अनुसार वर्तमान प्रधानन्यायाधीशले नयाँ प्रधानन्यायाधीशको नाम सिफारिस गरेका हुन्।

वर्तमान प्रधानन्यायाधीश ललितले भने तत्कालीन प्रधानन्यायाधीश एनभी रमणको कार्यकाल गत अगस्ट २६ मा सकिएपछि जिम्मेवारी पाएका थिए। उनको कार्यकाल ७४ दिनको मात्र छ।

प्रकाशित: Oct 12, 2022| 05:30 बुधबार, असोज २६, २०७९