उम्मेदवार नबनेपछि मिनेन्द्रले सार्वजनिक गरे दुई पत्र

नेपाली कांग्रेसका नेता डा. मिनेन्द्र रिजालले आफू उम्मेदवार नबनेको कारण पार्टीको संसदीय दलको समन्वयस समिति (अर्थ मन्त्रालय)को संयोजकबाट राजीनामा दिनु रहेकोतर्फ संकेत गरेका छन्।

नेपाल समय | सोमबार, असोज २४, २०७९

नेपाल समय

सोमबार, असोज २४, २०७९

उम्मेदवार नबनेपछि मिनेन्द्रले सार्वजनिक गरे दुई पत्र

फाइल तस्बिर।

काठमाडौं- नेपाली कांग्रेसका नेता डा. मिनेन्द्र रिजालले आफू उम्मेदवार नबनेको कारण पार्टीको संसदीय दलको समन्वयस समिति (अर्थ मन्त्रालय)को संयोजकबाट राजीनामा दिनु रहेकोतर्फ संकेत गरेका छन्।

नेता रिजालले उक्त राजीनामा कै कारण आफूलाई उमेदवार नबनाएको हुनसक्ने जनाएका छन्।

समितिबाट आफूले राजीनामा दिएको र अस्वीकृत भएको दुई पत्र फेसबुकमा पोस्ट गर्दै नेता रिजालले लेखेका छन्, 'हाम्रो दल नेपाली कांग्रेसका सभापति शेरबहादुर देउवाले मलाई प्रतिनिधिसभाको निर्वाचनमा किन उमेदवार बनाउनु भएन भनेर खोजी गर्दा उहाँ र मेराबीच २०७७ जेष्ठ र आश्विनका यी दुई पत्र फेला पारे, पोस्ट गरेको छु।'

यसअघि मोरङ-२ बाट विजयी भएका मिनेन्द्र रिजालको क्षेत्रमा यसपटक सुजाता कोइराला उम्मेदवार बनेकी छन्।

प्रकाशित: Oct 10, 2022| 22:10 सोमबार, असोज २४, २०७९