बुधबार, वैशाख ५, २०८१
  • गृहपृष्ठ
  • राजनीति
  • काठमाडौंका १० निर्वाचन क्षेत्र : पुराना दललाई स्वतन्त्र र नयाँ दल चुनौती

काठमाडौंका १० निर्वाचन क्षेत्र : पुराना दललाई स्वतन्त्र र नयाँ दल चुनौती

स्वतन्त्रदेखि झिनामसिनाका पार्टीबाट उम्मेदवारी घोषणा गरिएपछि संघीय राजधानीसमेत रहेको काठमाडौंका १० निर्वाचन क्षेत्रमा ठूला दलहरूलाई चुनाव जित्न गठबन्धनको भर। गठबन्धन गर्दा कांग्रेसको सुरक्षित किल्ला अन्य दललाई सुम्पिनुपर्ने बाध्यता।
 |  शुक्रबार, असोज ७, २०७९

खिला कार्की

खिला कार्की

शुक्रबार, असोज ७, २०७९

काठमाडौं– आगामी ४ मंसिरमा हुने प्रदेशसभा र प्रतिनिधिसभा सदस्य निर्वाचनअन्तर्गत संघीय राजधानीसमेत रहेको काठमाडौंका १० निर्वाचन क्षेत्रको परिणामबारे चोक–चोक र चिया पसलमा समेत चर्चा सुरु भएको छ। २०७४ को निर्वाचनमा वाम गठबन्धन भएको अवस्थामा समेत कांग्रेसले ४ वटा निर्वाचन क्षेत्रमा जित निकालेको थियो। 

triton college

२०७४ मा काठमाडौं–१ बाट पूर्वमहामन्त्री प्रकाशमान सिंह, काठमाडौं–४ बाट वर्तमान महामन्त्री गगन थापा, काठमाडौं–६ बाट केन्द्रीय सदस्य भीमसेनदास प्रधान र काठमाडौं–१० बाट केन्द्रीय सदस्य राजन केसीले जित हात पारेका थिए। २०७४ मा वाम गठबन्धन भएको अवस्थामा काठमाडौं– १ र १० नम्बर माओवादीको भागमा परे पनि दुवै क्षेत्रमा पराजित भएको थियो। बाँकी क्षेत्र एमालेका भागमा परेका थिए। एमालेका तर्फबाट काठमाडौं–२ बाट विजयी माधव नेपाल र काठमाडौं–८ बाट विजयी जीवनराम श्रेष्ठ अहिले नेकपा एकीकृत समाजवादीमा छन्। 

२०७४ मा एमालेले जितेको काठमाडौं–३ बाट विजयी कृष्ण राई, काठमाडौं–५ बाट विजयी ईश्वर पोखरेल, काठमाडौं–७ बाट विजयी रामवीर मानन्धर र काठमाडौं–९ बाट विजयी कृष्णगोपाल श्रेष्ठ भने एमालेमै छन्।

तर अहिले २०७४ को जस्तो अवस्था छैन। २०७४ मा वाम गठबन्धन थियो। अहिले कांग्रेस, माओवादी, एमालेबाट विभाजित भएको नेकपा एकीकृत समाजवादी, जनता समाजवादी र राष्ट्रिय जनमोर्चाबीचमा गठबन्धन हुँदै छ। यसले गर्दा पनि काठमाडौं निर्वाचनलाई चासोका साथ हेरिएको छ। चासो निर्वाचन हारजितको मात्र नभएर काठमाडौंका कुन क्षेत्र पाँच दलीय गठबन्धनका कुन दललाई पर्छ भन्ने पनि देखिन्छ। पाँच दलीय गठबन्धन मात्र होइन, प्रमुख विपक्षी एमालेले पनि राप्रपालगायतका साना दलसँग गठबन्धन गर्दा कुन–कुन क्षेत्रमा उम्मेदवार दिन्छ, कुन–कुन क्षेत्र छाड्छ भन्ने पनि चासोका साथ हेरिएको छ।

अर्कोतर्फ काठमाडौं महानगरपालिकाको निर्वाचनमा बालेन साह स्वतन्त्र उमेदवारी दिएर महानगर प्रमुख भएपछि काठमाडौंमा स्वतन्त्र उम्मेदवारको संख्या ह्वात्तै बढेको छ। काठमाडौंमा स्वतन्त्र उम्मेदवार मात्रै नभएर नयाँ नयाँ पार्टीका तर्फबाट समेत उम्मेदवारी घोषणा भएकाले पुराना पार्टीहरूलाई स्वतन्त्र उम्मेदवार र नयाँ पार्टीका उम्मेदवार चुनौती हुने देखिन्छ।   

corrent noodles
Metro Mart

यस पटकको निर्वाचनमा कांग्रेस एक्लै लडदा पनि काठमाडौंका १० मध्ये ८ निर्वाचन क्षेत्रमा सहजै जित निकाल्न सक्ने देखिएको नेताहरूको भनाइ छ। तर सत्ता गठबन्धनका कारण काठमाडौंका केही जित्न सक्ने क्षेत्र छाड्नुपर्ने भएकाले कांग्रेसलाई घाटा हुने देखिएको छ। कांग्रेसभित्र आफूले जित्न सक्ने क्षेत्र अरू दललाई नदिन दबाब पनि बढिरहेको छ। गत स्थानीय तह निर्वाचनमा वडा अध्यक्षहरूले पाएको मतलाई आधार मान्दा अधिकांश निर्वाचन क्षेत्रमा सत्ता नेतृत्व गरिरहेको कांग्रेस बलियो देखिएको छ। 

काठमाडौं–१ : चिरपरिचित प्रतिस्पर्धी

प्रकाशित: Sep 23, 2022| 15:25 शुक्रबार, असोज ७, २०७९
प्रतिक्रिया दिनुहोस्

थप समाचार

कांग्रेसले नाम दिए मन्त्रिपरिषद् विस्तार आजै

कांग्रेसले नाम दिए मन्त्रिपरिषद् विस्तार आजै

सत्ता गठबन्धनको भागबण्डाअनुसार कांग्रेसले ८ मन्त्रालय र एक राज्यमन्त्री पाए पनि पार्टीभित्रको विवादका कारण उसले सबै मन्त्रीको टुंगो लगाउन सकेन। जसले गर्दा दोस्रो पटक सपथ...