महिला साफमा आज नेपालले श्रीलंकासँग खेल्दै

काठमाडौं- काठमाडौंमा जारी महिला साफ च्याम्पियन्सिपमा आज नेपालले समूह चरणको दोस्रो खेल खेल्दैछ। दशरथ रंगशालामा साँझ ५ बजे सुरु हुने खेलमा नेपालले श्रीलंकाको सामना गर्न लागेको हो।

तीन टिम मात्र रहेको समूह बीमा नेपालले पहिलो खेलमा भुटानलाई हराइसकेको छ। त्यस्तै, भुटानले पनि श्रीलंकालाई हराउँदै आफूलाई सेमिफाइनलमा पु्‍र्‍याइसकेको छ।

त्यसैले नेपाल आजको खेलमा जित निकाल्दै समूह विजेता भएर सेमिफाइनल पुग्न चहान्छ। यता  श्रीललंका दोस्रो खेलमा भए पनि जित निकाल्ने दाउमा हुनेछ।