ला लिगामा बर्सिलोना र एट्लेटिकोको सानदार जित

काठमाडौं- स्पेनिस फुटबल ला लिगामा शनिबार राति बार्सिलोनाले कार्डिजविरुद्ध सानदार जित निकालेको छ। कार्डिजकै मैदानमा भएको खेलमा बार्सिलोनाले घरेलु टिमविरुद्ध ४-० को जित निकालेको हो।

बार्सिलोनालाई जित दिलाउनका लागि फ्रांकी डि जोङ, रोबर्ट लेवान्डोस्की, अन्सु फाति र ओउसमान डेम्बेलेले समान १-१ गोल गरेका थिए।

खेलको पहिलो हाफ गोलरहित बराबरी भएपछि बार्सिलोनाले समूर्ण गोल खेलको दोस्रो हाफमा नै गरेको थियो।

त्यस्तै, एट्लेटिकोको वान्डा मेट्रोपोलिटानोमा सम्पन्न खेलमा भने घरेलु टिम एट्लेटिको मड्रिडले पाहुना टोली सेल्टा भिगोसँग ४-१ को जित निकालेको छ।

एन्जल कोरिया, रोड्रिको डि पल, यान्निक केट्जा र उनै नुएजले समान १-१ गोल गरेपछि खेलमा एट्लेटिकोले जित निकालेको हो। यता सेल्टाका लागि गाब्रि वेइजाले गोल फर्काएका थिए।

यो जितसँगै १० अंक बनाएको एट्लेटिको तालिकाको चौथौ स्थानमा उक्लिएको छ। त्यस्तै, १३ अंकका साथ बार्सिलाना शीर्षस्थानमा छ भने १२ अंक बनाएको रियल मड्रिड दोस्रो स्थानमा छ।