साफ च्याम्पियनसिपमा भारतविरुद्ध नेपाल विजयी

काठमाडौं- श्रीलंकामा जारी यू-१७ साफ च्याम्पियनसिपमा नेपालले भारतलाई ३–१ ले हराएको छ। पहिलो हाफमा भारतसँग १–१ को बराबरी खेलेको नेपालले दोस्रो हाफमा दुई गोल थप्दै जित निकालेको हो।

श्रीलंकाको राजधानी कोलम्बोमा भर्खरै सम्पन्न खेलमा एक गालले पछि परेको अवस्थाबाट नेपालले पहिला हाफमा बराबरी गरेको थियो।

खेलको २५ औं मिनेटमा नै डेनी मैतेइल गोल गर्दै भारतलाई अग्रता दिलाएका थिए। तर पहिलो हाफको निर्धारित समयको एक मिनेट बाँकी रहँदा नेपालका सरोज दर्लामीले गोल फर्काएका थिए।

खेलको दोस्रो हाफमा नेपालका लागि उनेश बुढाथोकी र सुवास बमले गरेका थिए। खेलको ४९ औं मिनेटमा गोल गर्दै उनेशले अग्रता दिलाएका थिए भने ६७ औं मिनेटमा गोल गर्दै सुवासले अग्रतालाई  ३–० मा पुर्याएका थिए।

आजको खेलमा जित निकालेसँगै नेपाल समूह विजेता बन्दै सेमिफाइनलमा प्रवेश गरेको छ। आजको खेलमा पराजित भएसँगै भारतले भने सेमिफाइनलमा बंगलादेशसँग खेल्नेछ। भने नेपालले श्रीलंकाको सामना गर्नेछ।