खानेपानी तथा सरसफाइ सम्बन्धमा व्यवस्था गर्न बनेको विधेयक प्रमाणीकरण

काठमाडौं- राष्ट्रपति विद्यादेवी भण्डारीले खानेपानी तथा सरिफाइ सम्बन्धमा व्यवस्था गर्न बनेको विधेयक प्रमाणीकरण गरेकी छन्। 

राष्ट्रपति भण्डारीले मंगलबार दिउँसो उक्त विधेयक प्रमाणीकरण गरेको राष्ट्रपति कार्यालयका प्रवक्ता सागर आचार्यले जानकारी दिएका छन्। 

उनले जारी गरेको विज्ञप्तिमा भनिएको छ, 'राष्ट्रपति भण्डारीले दुबै सदको बैठकबाट पारित भइ प्रमाणीकरणकाका लागि पेश भएको खानेपानी तथा सरसफाइ सम्बन्धमा व्यवस्था गर्न बनेको विधेयक २०७९ संविधानको धारा ११३ को उपधारा २ बमोजिम प्रमाणिकरण गर्नुभएको छ।' 

यो विधेयक २०७६ जेठ ५ गते संघीय संसद् सचिवालयमा दर्ता भएको थियो। त्यसैगरी २०७६ असार २२ गते प्रतिनिधि सभामा प्रस्तुत गरिएको विधेयक २०७६ साउन २२ मा सामान्य छलफलपछि संसदीय समितिमा पठाइएको थियो। समितिले छलफलपछि सुझावसहित २०७७ असार ४ गते संघीय ससद्‌मा पठाएको थियो।