आफूले गरेका कामबारे सामाजिक सञ्जालमा खोजिएपछि स्वर्णिम वाग्लेले दिए ३५ बुँदे उत्तर

काठमाडौं– नेपाली कांग्रेसले अर्थविद् एवं राष्ट्रिय योजना आयोगका पूर्वउपाध्यक्ष स्वर्णिम वाग्लेलाई प्रतिनिधिसभाको चुनाव लड्न चितवन क्षेत्र नम्बर १ बाट उम्मेदवारको सिफारिस गरेको छ।

वाग्लेलाई कांग्रेसले उम्मेदवारको सिफारिस गरेसँगै उनका बारे सामाजिक सञ्जालमा ‘ए वाग्ले, तैंले चाहिँ के गरिस् नि’ भन्ने प्रश्न सोधिएका छन्। वाग्लेले सामाजिक सञ्जालबाट आएका प्रश्नहरुको ३५ बुँदे उत्तर दिएका हुन्।

वाग्ले आउँदो ४ मंसिरको चुनावमा उम्मेदवारको आकांक्षी बनेसँगै उनका विषयमा सामाजिक सञ्जालमा फरक–फरक खाले टिप्पणी आइरहेका छन्। कतिपयले उनीमाथि पर्याप्त अवसर पाउँदा पनि मुलुकको हितका लागि केही गर्न नसकेको भनेर आलोचनात्मक टिप्पणी गरेका छन्। उनी युएनडीपीको जागिर छाडेर कांग्रेस राजनीतिमा होमिएका हुन्।

आफूलाई योजना आयोगको उपाध्यक्ष हुँदा के–के काम गरियो भनेर प्रश्न सोधिएको भन्दै उनले सामाजिक सञ्जालबाटै ३८ बुँदामा रहेर जवाफ दिएका छन्। ‘ए वाग्ले, तंैले चाहिँ के गरिस् नि’ भन्ने प्रश्न उठिरहेको उल्लेख गर्दै उनले ३८ वटा काम गरेको जवाफ फर्काएका छन्। 

उनले आफू चुनावी सरकारका बेला चार महिना र पछि दुई महिना मात्रै आयोगको उपाध्यक्ष हुँदा पनि ३८ वटा सफल काम गरेको दाबी प्रस्तुत गरेका छन्। २०७२ भूकम्पपछि विश्वसनीय क्षतिको आकलन, ४ सय अर्बको प्रतिबद्धता र नयाँ संरचनामा नेतृत्वदायी भूमिका खेलेकामा विशेष गर्व रहेको उनले बताएका छन्। 

**ए वाग्ले, तैंले चाहिं के गरिस् नि?
चुनावी सरकारमा जम्मा ४ महिना उपाध्यक्ष भएको हो। पछि २ महिना। ३८ वटा उल्लेख्य कामको विवरण यहाँ छ: https://t.co/WJaTgim481
२०७२ भुकम्पपछि विश्वसनीय क्षति आकलन, ४०० अर्बको प्रतिवद्धता र नयाँ संरचनामा नेतृत्वदायी भूमिका खेलेकोमा विशेष गर्व छ।

— Swarnim Waglé (@SwarnimWagle) September 2, 2022