काठमाडौं- फ्लाई दुबईको उडानबाट काठमाडौं उत्रिएकी एक महिलाको डाइपरमा ७७० ग्राम सुन भेटिएको छ। भदौ ९ गते फ्लाई दुबईको उडानबाट आएकी यात्रु भक्तपुर-८ सुकुलढोकाकी कविता श्रेष्ठ उक्त परिणामको अर्धठोस सुनसहित पक्राउ परेकी हुन्।
५६ वर्षीया कविताले लगाएको स्ल्याक्सभित्र डाइपरमा अर्धठोस अवस्थाको सुनलाई पोका बनाइ राखेकी थिइन्। भन्सार छली लैजान लागेको अवस्थामा उनीलाई विमानस्थल प्रहरीले पक्राउ गरेको हो।
उनीमाथि थप अनुसन्धान गर्न त्रिभुवन विमानस्थल भन्सार कार्यालय, गौचरमा बुझाइएको प्रहरीले जानकारी दिएको छ।