एसियन कप छनोटमा भोली नेपालले ओमानसँग भिड्ने

काठमाडौं- एसियन कप क्रिकेट छनोटका लागि मलेसिया पुगेको नेपालले बुधबार ओमानसँग खेल्दै छनोटको यात्रा शुरु गर्नेछ। मलेसियासँगको खेल नेपाली समय अनुसार बिहान ७:४५ बजे शुरु हुनेछ।

नामिबियामा भएको पछिल्लो भेट वर्ल्ड क्रिकेट लिग डिभिजन २ मा नेपालले ओमानसँग ६ विकेटले पराजित भएको थियो। नेपाल र ओमानबीच अहिलेसम्म ६ पटक प्रतिस्पर्धा भइसकेको छ। जसमा दुवै टोलीले समान ३ खेल जितेका छन्। 

विश्व क्रिकेटका ठूला नामसँग खेल्न पाउने अवसर नेपाललगायत सबै टोली गुमाउन चाहदैनन्। त्यसैले हरेक टोली जितबाट छनोटको यात्रा सुरु गर्न चाहन्छन्। नेपाल, ओमानसँगै छनोटमा युईए, हङकङ, सिंगापुर र मलेसिया छन्। 

छनोटका सहभागी सबै टोलीले एक अर्कासँग प्रतिस्पर्धा गर्ने छन्। एक अर्कासँगको प्रतिस्पर्धापछि विजेता टोली यसै महिनाको अन्त्यमा शुरु हुने एसियन कप क्रिकेटका लागि छनोट हुनेछ। यसरी छनोट हुने टोलीले समूह ‘ए’ मा भारत र पाकिस्तानसँग प्रतिस्पर्धा गर्नुपर्नेछ।