श्रीलंकाविरुद्धका तीनै खेल जितेको नेपाली टोली भोलि मलेसिया जाँदै

काठमाडौं-एसियन कप छनोटको तयारीमा श्रीलंका भ्रमणमा रहेको नेपाली क्रिकेट टिमले तेस्रो तथा अन्तिम अभ्यास खेलमा विजय भएको छ । नेपालले श्रीलंकाको कोल्टस्ले क्रिकेट क्लबसँग पाँच विकेटले विजय भएको हो । 

टस जितेर पहिले ब्याटिङ गर्ने निर्णय गरेको कोल्टस्ले ४९.५ ओभरमा सबै विकेट गुमाएर २ सय १६ रन जोडेको थियो । जवाफि ब्याट्रिमा  २ सय १७ रनको लक्ष्य लियर मैदानमा उत्रेको नेपालले ४२.४ ओभरमा पाँच विकेट गुमाउदै लक्ष्य भेट्टाएको हो । नेपालका लागि कप्तान पारस खड्का र दिपेन्द्र सिहं ऐरीले अर्धशतकीय पारी खेले । 

पारसले ५७ बल खेल्दै एक छक्का र ६ चौकाको मद्दतमा ५८ रन जोडे । त्यस्तै अर्का ब्याट्सम्यान ऐरीले ५३ बल खेल्दै २ छक्का र ५ चौकाको मद्दतमा ५२ रन जोड्दै अविजित रहे । अन्य ब्याट्सम्यान उपकरुप्तान ज्ञानेन्द्र मल्ल ४५ र सुवास खकुरेलले २२ रन जोड्दा आरिफ सेख २३ रनमा अविजित रहे । दोस्रो मैत्रिपुर्ण खेलमा शतक बनाउनबाट चुकेका सागर पुनले भने यस खेलमा पाँच रन मात्र जोड्न सके । 

यसअघि बलिङतर्फ नेपालका सोमपाल कामीले ३ विकेट लिए । त्यस्तै करण केसी र सागर पुनले समान २ विकेट तथा ललित भन्डरीले एक विकेट लिए । तीनवटै मैत्रिपुर्ण खेलमा जित निकालेको नेपाली राष्ट्रिय टोली सोमबार मलेसिया प्रस्थान गर्नेछ । एसिया कपको छनोटमा नेपालसहित आयोजक मलेसिया, युएई, हङकङ, सिंगापुर र ओमानले खेल्नेछन् ।

नेपालले ओमानसँग २९ अगस्टमा बायुमास ओभलमा खेल्नेछ । त्यसपछि ३० अगस्टमा युएईसँग किनरारा ओभलमा प्रतिस्पर्धा गर्नेछ । १ सेप्टेम्बरमा मलेसिया, २ सेप्टेम्बरमा सिंगापुर तथा ४ सेप्टेम्बरमा हङकङसँग खेल्नेछ । छनोटको विजेताले युएईमा हुने एसिया कपमा स्थान बनाउनेछ । विजेता भारत र पाकिस्तान रहेको समूह ‘ए’ मा पर्नेछ । एसिया कप १३ सेम्टेम्बर देखि २८ तारिखसम्म हुदैछ ।