युभेन्ट्सको लगातार दोस्रो जित 

काठमडौं- इटालियन सिरी ए अन्तर्गत शनिबार भएको खेलमा डिफेन्डिङ च्याम्पियन युभेन्ट्सले लगातार दोस्रो जित हात परेको छ । युभेन्ट्सको घरेलु मैदानमा भएको खेलमा लाजियोलाई २–० ले पराजित गर्दै लिगमा दोस्रो जित हात पारेको हो । युभेन्ट्सका लागि मिरालेम र मारियो मान्जुकीचले एक एक गोल गरे ।

खेलको ३० औं मिनेटमा मिडफिल्डर मिरालेमको गोल मर्फत युभेन्ट्सले अग्रता लिएको थियो । दोस्रो गोल फरवार्ड मान्जुकीचले ७५ औं मिनेटमा गर्दै युभेन्ट्सको अग्रता दोब्बर बनाए ।

पछिल्ला केहि सिजनदेखि लिग उपाधिमा कब्जा जमाउँदै आइरहेको युभेन्ट्स यसपटक झनै बलियो रुपमा प्रस्तुत भएको छ । टोलीका लागि घरेलु मैदानमा पहिलो औपचारिक खेल खेलिरहेका फरवार्ड क्रिस्टियानो रोनाल्डोले भने गोल गर्न सकेनन् ।

लिगमा दुई खेल जित्दै राम्रो सुरुआत गरेको युभेन्ट्सले स्टार फरवार्ड क्रिस्टियानो रोनाल्डोलाई १ सय मिलियन युरो खर्चेर रियन मड्रीडबाट यसै सिजन क्लबमा भित्र्याएको थियो । घरेलु प्रतियोगितामा लगातार दबाब बनाइरहेको युभेन्ट्सले च्याम्पियन्स लिग उपाधि जित्ने लक्ष्य राखेको छ ।