युएसएमा ला लिगा योजना असम्भव

एजेन्सी-संयुक्त राज्य अमेरिकामा हुने भनिएको ला लिगा खेल योजनामा सफल नहुने रियल मड्रिडका म्यानेजर जुलेन लोपेटेगुइले बताएका छन् । यसअघि स्पेनीस फुटबलको शिर्ष स्तरको मिडिया कम्पनी रिलेभेन्टले ला लिगासँग पहिलो पटक देश बाहिर एक खेल खेल्न १५ बर्षको सम्झौता गरेका थियो ।

 स्पेनिस एफए वा स्पेनिस फुटबल संघले युएसएमा हुने भनिएको ला लिगाा योजनाको आलोचना गरेको छ । ‘म यो देख्न सक्दैन । यो मेरो सुझब हो । किनकी यस निर्णयले खेलाडीलाई अपमानित गरेको छ ।’ ५१ बर्षीय लोपेटेगुइले भने, ‘म यो बिषयमा खेलाडीसँग छु ।’ 

त्यस्तै खेलाडी संघ एएफइका अनुसार यो योजनाको बिषयमा ला लिगाले आफ्नो सदस्यसँग परामर्स नलिएको बताएको छ । एएफइका अध्यक्ष डेभिड अगान्जोसँग छलफल गर्न ला लिगाका २० टिमका खोलाडीले बुधबार मड्रिडमा भेटबार्ता गरेको थियो । जहाँ खेलाडीले आवस्यक परे हड्ताल गर्ने चेतावनी दिएका थिए ।