मेस्सीको जर्सी जलाउन भनेका प्यालेस्टाइनी अध्यक्षलाई फिफाको निलम्बन

एजेन्सी–विश्वफुटबलको सर्वोच्च निकाय फिफाले प्यालेस्टाइनी फुटबल एसोसियसनका अध्यक्ष जिब्रिल रजोउबलाई निलम्बन गरेको छ । समर्थकहरुलाई लियोनल मेस्सीको जर्सी र पोस्टर जलाउन आग्रह गरेपछि उनलाई फिफाले एक बर्षको निलम्बन गरेको हो । रजोउब कुनै पनि क्षमतामा खेलमा सहभागी हुन पाउने छैनन् ।
 
अर्जेन्टिना र इजराइलबीचको मैत्रिपुर्ण खेल पहिले दिएको उनको यस्तो अभिव्यक्तीले घृणा र हिसांलाई उकासेको भन्दै फिफाले १५ हजार आठ सय २६ पाउण्डको जरिवाना समेत तोकेको छ । यो मैत्रिपुर्ण खेल जुनमा जेरुसलममा हुने भनिए पनि पछि रद्द भएको थियो । 

अर्जेन्टिनाका बिदेशमन्त्री जोर्गे फउरीएका अनुसार जुनमा अर्जेन्टिनाका खेलाडी इजराइलसँग मैत्रिपुर्ण खेल खेल्न तयार थिएनन् । खेल रद्द भएपछि प्यालेस्टाइनी एफएले मेस्सी र उनका सहकर्मीलाई धन्याबाद दिन ज्ञापन पत्र जारी गर्‍यो । 

तर, रजोउबले एक पत्रकार सम्मेलनमा भने, ‘के भयो... बाँकी दुनियासँग एक रातो कार्ड इजराइलका लागि छ । पहिले अफगानिस्तानले खेलको ‘राजनितिक करण’ गर्ने आरोप लगाएका थिए ।’ रजोउबले आफैले बनाएको हरेक रातो लाईन पार गरेको इजराइल एफएले आरोप लगाएको छ । यसका लागि फिफाले रजोउब र प्यालेस्टाइनी एफएलाई जवाफ देहि बनाउन आफ्नो पुरै शक्ती प्रयोग गर्ने सपत समेत खाएको अन्तराष्ट्रिय सञ्चार माध्यमले जनाएको छ ।