दीपेन्द्रको शतकमा श्रीलंकालाई नेपालको विशाल लक्ष्य

काठमाडौं- मध्यक्रमका ब्याट्सम्यान दीपेन्द्रसिंह ऐरीको शतकको मद्दतले नेपालले श्रीलंका क्रिकेट क्लब ब्लुमफिल्डलाई विशाल लक्ष्य सुम्पेको छ।
 
एसियन कप क्रिकेट छनोटको तयारीमा रहेको नेपालले आफ्नो दोस्रो मैत्रीपूर्ण खेलमा ब्लुमफिल्डलाई तीन सय २४ रनको विशाल लक्ष्य सुम्पेको हो।

पहिले टस जितेर ब्याटिङ गर्ने निर्णय गरेको नेपालले ५० ओभरमा अाठ विकेट गुमाउँदै तीन सय २३ रन जोडेको थियो। नेपालका लागि ऐरीले सर्वाधिक एक सय २१ रन जोडे। उनले ९४ बल खेल्दै १२१ रन जोडेका थिए। त्यस्तै, अर्का ब्याट्सम्यान सागर पुन शतक बनाउनबाट केही रनले चुके। 

उनले ८२ बल खेल्दै ९२ रन दोड्दा आउट हुन पुगे। केही समय मैदान बाहिर रहेका सागरले राष्ट्रिय टिममा पुनरागमन गर्दै अर्धशतकीय पारी खेले। 

करण केसीले २६ रन, कप्तान पारस खड्काले २३ रन, अनिल साहले १७ रन र रोहितकुमार पौडेलले ११ रन जोड्नबाहेक अन्य खेलाडीले दोहोरो अंक छुन सकेनन्।