दक्षिण कोरियामा एक दिनमा १ लाख १० हजार कोरोना संक्रमित

सउल- दक्षिण कोरियामा पछिल्ला केही दिनदेखि लगातार दैनिक एक लाखभन्दा बढी नयाँ कोरोना संक्रमित हुने गरेका छन्।  सरकारी अधिकारीहरूले शनिबार दिएको जानकारीअनुसार पछिल्लो २४ घण्टामा एक लाख १० हजार ६६६ जना नयाँ संक्रमित भएका हुन्।

दक्षिण कोरियामा अहिलेसम्म कुल संक्रमितहरुको संख्या दुई करोड तीन लाख ८३ हजार ६२१ पुगेको स्वास्थ्य मन्त्रालयले जनाएको छ।

दैनिक नयाँ संक्रमितको संख्या भने अघिल्लो दिनको तुलनामा थोरै घटेको छ। अघिल्लो दिन एक लाख १२ हजार ९०१ जना नयाँ संक्रमित भएका थिए।

एक हप्ता अगाडि भने एक दिनमा ८१ हजार ९८१ जना संक्रमित थपिएका थिए। अहिले संक्रमित अवस्थामै रहेका मध्ये ३१३ जनाको अवस्था गम्भीर रहेको जनाइएको छ। दक्षिण कोरियामा कोरोना भाइरसका कारण मृत्यु भएकाहरूको संख्या अहिलेसम्म २५ हजार २३६ पुगेको छ।  -सिन्ह्वा